އެމްޑީޕީން މިއަދު އާންމު ކުރި ޓައިމްލައިންގައިވާ ގޮތުގައި އިންތިހާބުގެ ވޯޓުލުމަށް ހަމަޖެހިފައިވަނީ އަންނަ ނޮވެމްބަރު 27 ވަނަ ދުވަހުއެވެ. އަދި ވޯޓުލުން ކުރިއަށް ގެންދިއުމަށް ހަމަޖެހިފައިވަނީ އެ ދުވަހުގެ މެންފުރުފަހު 2:30 އިން ރޭގަނޑު 8:00 އަށެވެ.

• މާލޭގައި ވޯޓުލާ މަރުކަޒުތަކަށް އޮފިޝަލުން (ވޮލަންޓިއަރުން) ހޯދުމަށް ނަން ހުށަހެޅުމަށް ހުޅުވާލުން - އޮކްޓޫބަރު 13.
• މެންބަރުންގެ ދަފްތަރު އާންމުކުރުން، އާންމުކުރެވުނު ދަފްތަރަށް ޝަކުވާ ހުށަހެޅުމަށް ހުޅުވާލުން - އޮކްޓޫބަރު 22.
• ކުރިމަތިލުމަށް ނަން ހުށަހެޅުމުގެ ސުންގަޑި އަދި މެންބަރުންގެ ދަފްތަރަށް ޝަކުވާ ހުށަހެޅުމުގެ ސުންގަޑި އޮކްޓޫބަރު 25 ވަނަ ދުވަހުގެ މެންފުރުފަހު 2:00.

މި އިންތިހާބުގައި ރީރަޖިސްޓްރީވުމުގެ ފުރުސަތު މި މަހުގެ 27 ވަނަ ދުވަހުން ނޮވެމްބަރު މަހުގެ ހަ ވަނަ ދުވަހުގެ 2:00 އަށް ހުޅުވާލާނެ ކަމަށް އެމްޑީޕީން ބުނެފައިވެ އެވެ.

އިންތިހާބުގެ ދާއިމީ ވޯޓާސް ލިސްޓު ނޮވެމްބަރު 14 ވަނަ ދުވަހު އާންމުކުރާއިރު ވޯޓުފޮށި ބަހައްޓާނެ ތަންތަން ނޮވެމްބަރު 23 ވަނަ ދުވަހު އިއުލާނު ކުރުމަށް ވަނީ ހަމަޖެހިފަ އެވެ.

އިންތިހާބު ބާއްވާ ދުވަހުގެ ރޭ ވަގުތީ ނަތީޖާ އިއުލާނު ކުރާއިރު ދާއިމީ ނަތީޖާ އިއުލާނު ކުރުމަށް ހަމަޖެހިފައިވަނީ ނޮވެމްބަރު 30 ވަނަ ދުވަހު އެވެ.