މި ހަރަކާތް ކުރިއަށް ގެންގޮސްފައި ވަނީ މިއަހަރުގެ ކަސްޓަމާ ސާވިސް ވީކްގެ ޝިއާރު ކަމަށްވާ "ގޯއިންގް ބިޔޯންޑް ސްޓާޓްސް ވިތު އަސް" ގެ ދަށުންނެވެ.

މިއީ ކަސްޓަމަރުންގެ އަޑުއަހައި، ކަސްޓަމަރުންނާ ގުޅުން ބަދަހިކޮށް، އަދި ކަސްޓަމަރުންގެ އާންމު ތަޖުރިބާތަކާ އިތުރަށް ގާތްވެ، ފެންވަރު ރަނގަޅު ކަސްޓަމާ ކެއާއެއް ފޯރުކޮށް ދިނުމަށް އުރީދޫ މޯލްޑިވްސްއިން ދޭ އަހައްމިއްޔަތުކަން ހާމަކޮށްދޭ ކަމެކެވެ.

މި ސެޝަންގައި، ސޯޝަލް މީޑިއާ މެދުވެރިކޮށް ކަސްޓަމަރުން ފޮނުވާފައިވާ ތަފާތު ސުވާލުތަކާއި ކަންބޮޑުވުންތަކަށް ޝާދީ ސީދާ ޖަވާބު ދެއްވާ އުރީދޫގެ ކަސްޓަމާ ސާވިސް ޓީމުތަކުން ކޮންމެ ދުވަހަކުވެސް ކުރަމުންދާ މުއާމަލާތްތައް އަމިއްލަފުޅަށް ތަޖުރިބާ ކުރެއްވި އެވެ.

މި އިސްނެގުމަކީ ކަސްޓަމާ ސާވިސް ވީކަށް ރާވާފައިވާ ހަރަކާތްތަކުގެ ތެރެއިން ބައެއް ކަމަށާއި މި ހަރަކާތްތަކުގައި އުރީދޫ މޯލްޑިވްސްގެ އިސް ލީޑާޝިޕް ޓީމުން ފްރަންޓްލައިން މުވައްޒަފުންގެ ދައުރު އަދާކޮށް، ތަފާތު ޕްލެޓްފޯމްތަކުގައި ކަސްޓަމަރުންނާ މުއާމަލާތް ކުރާނެ ކަމަށް އުރީދޫ އިން ވަނީ ބުނެފަ އެވެ.