އެފްސީ ފްރިގޭޓަރ ޔަންގްގެ މައްޗަށް 22 ސްޕޯޓްސް ކްލަބްއަށް ފަސް ލަނޑުގެ މޮޅެއް!

އަބްދުﷲ މައުރޫފް

16 ސެޕްޓެމްބަރ 2026 - 16:08

0 comments

އެފްސީ ފްރިގޭޓަރ ޔަންގްގެ މައްޗަށް 5-0 ން މޮޅުވެ، 22 ސްޕޯޓްސް ކްލަބް އިން "ހޯރަފުށީ ކައުންސިލް ކަޕް 2026" ގައި ރޭ ކުޅުނު މެޗުން މޮޅުވެއްޖެ އެވެ.

ރޭ ކުޅޭ މުބާރާތުގެ 3 ވަނަ މެޗުގައި 22 ސްޕޯޓްސް ކުލަބުން ޖެހި ފަސް ގޯލުގެ ތެރެއިން އަލީ ސާޖިދު އެއް ގޯލު ޖެހިއިރު އަޒޫމް އަދި ނިޝާމް ވަނީ ދެ ގޯލު ޖަހައިފަ އެވެ.

މިރޭ ކުޅޭ މުބާރާތުގެ 4 ވަނަ މެޗުގައި 22 ސްޕޯޓްސް ކްލަބް ނިކުންނާނީ އެފްސީ ފްރިގޭޓަރ އާއި އެވެ.

މި މުބާރާތުގެ ޗެންޕިއަން ޓީމަށް 60000 ރުފިޔާގެ ފައިސާގެ އިނާމެއް ދިނުމަށް ހަމަޖެހިފަވާއިރު ދެ ވަނަ އަށް އަންނަ ޓީމަށް ދެނީ 25000 ރުފިޔާ އެވެ.

މި މަހުގެ 13 އިން 26 އަށް ބާއްވާ މި މުބާރާތުގައި ވާދަކުރާ ޓީމް ތަކަކީ:

ދަންމަރު ޔުނައިޓެޑް
22 ސްޕޯޓްސް ކްލަބް
އެފްސީ ފްރިގޭޓަރ
ހޯރަ 22
އެފްސީ ފްރިގޭޓަރ ޔަންގް

މި މުބާރާތް ބޭއްވުމުގެ މަގުސަދަކީ ފުޓްބޯޅަ ކުޅޭ ޒުވާނުންގެ ހުނަރު ދައްކާލައި، ހުނަރު އިތުރަށް ތަރައްގީކޮށް ފުޓްބޯޅައިން ރަނގަޅު މުސްތަގުބަލެއް ހޯދައިދިނުމާއި، ކުޅުންތެރިން އަދި ފުޓްބޯޅަ ޓީމްތައް އުފެއްދުމުގެ މަސައްކަތް ކުރާ އަމިއްލަ ފަރާތްތަކުގެ މެދުގައި ކުޅިވަރުގެ ތެރެއިން އެކުވެރިކަން ބަދަހިކުރުމާއި، އެންމެންނަކީ ވެސް ސިއްހީ ގޮތުން ދުޅަހެޔޮ ބަޔަކަށް ހެދުމެވެ.

ޓީމްތަކުން ބޮޑެތި ތައްޔާރީތަކެއް ވެފައިވާ މި މުބާރާތުގެ ފައިނަލް ކުޅޭނީ މި މަހު 26 ވަނަ ދުވަހު ގެ ރޭ 20:30 ގައި އެވެ.