ހުއްދަނެތި ބޭރު ފައިސާ ގަނެ ވިއްކާތީ ފުލުހުންގެ އޮޕަރޭޝަނެއް

ހުނައިދާ ޔާސިރު

07 އޮކްޓޫބަރ 2026 - 10:30

0 comments

ހުއްދަނެތި ބޭރު ފައިސާ ގަނެ ވިއްކާތީ ފުލުހުން އޮޕަރޭޝަނެއް ހިންގައިފި އެވެ.

ފުލުހުން ބުނީ އެތަނުގެ އިކޮނޮމިކް ކްރައިމް އިންވެސްޓިގޭޝަންގެ ކޮމްޕްލެކްސް ފައިނޭންޝަލް އިންވެސްޓިގޭޝަނުން ތަހުގީގު ކުރަމުން އަންނަ މައްސަލައަކާ ގުޅިގެން، ޓާސްކް ފޯސް ބައިވެރިވެގެން އިއްޔެ ބަލައި ފާސްކުރުމުގެ ހާއްސަ އޮޕަރޭޝަނެއް ކުރިއަށް ގެންގޮސްފައިވާ ކަމަށެވެ.

ފުލުހުން ބުނީ މިއީ ހުއްދަ ނެތި ބޭންކިން ހިދުމަތް ދިނުމާއި، ހުއްދަ ނެތި ބޭރު ފައިސާ ގަނެވިއްކުމުގެ މައްސަލައަކާ ގުޅިގެން ހިންގި އޮޕަރޭޝަނެއް ކަމަށެވެ. އެ އޮޕަރޭޝަންގައި 4 ބިދޭސީއަކާއި ދިވެއްސެއްގެ އިތުރުން، ފިހާރައަކާއި ބިދޭސީއަކު ދިރިއުޅޭ ތަނެއް ވަނީ ބަލައިފާސްކޮށްފައިވެ އެވެ.

މި މައްސަލައިގެ އިތުރު ތަފުސީލެއް ހާމަނުކުރި ނަމަވެސް މި މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ބުނެފަ އެވެ.