ވިޒިޓް މޯލްޑިވްސްގެ ވަގުތީ އެމްޑީއަކަށް ސަބީހާ

ޔޫނުސް އިބްރާހިމް

26 އޯގަސްޓް 2026 - 11:16

0 comments

ވިޒިޓް މޯލްޑިވްސް ކޯޕަރޭޝަން (ވީއެމްސީ) ގެ ވަގުތީ މެނޭޖިން ޑިރެކްޓަރުގެ މަގާމަށް ސަބީހާ އަހްމަދު ހަމަޖައްސައިފި އެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން ސަބީހާ މި މަގާމަށް އައްޔަންކޮށްފައި މިވަނީ އެ ކޯޕަރޭޝަންގެ މެނޭޖިން ޑިރެކްޓަރުގެ މަގާމުގައި ހުންނެވި އިބްރާހީމް ޝިއުރީ މިދިޔަ ހޯމަ ދުވަހު މަގާމުން އިސްތިއުފާ ދެއްވުމާ ގުޅިގެންނެވެ.

ވީއެމްސީގެ ޑިރެކްޓަރުންގެ ބޯޑުގައިވެސް އިންނަވާ ސަބީހާ މިހާރުވެސް ހުންނެވީ ވީއެމްސީގެ ޗީފް އޮޕަރޭޓިން އޮފިސަރު (ސީއޯއޯ)ގެ މަގާމުގަ އެވެ.

ސީއޯއޯގެ މަގާމު ޑިސެމްބަރު 2023އިން ފެށިގެން ސަބީހާ އަދާކުރައްވަމުން ގެންދަވާއިރު، ވީއެމްސީގެ ބޯޑަށް އޭނާ އައްޔަންކޮށްފައި ވަނީ 29 އޮކްޓޫބަރު 2025ގަ އެވެ.

ސަބީހާ އަކީ މެލޭޝިއާގެ ލިމްކޮކްވިން ޔުނިވަސިޓީ އޮފް ކްރިއޭޓިވް ޓެކްނޮލޮޖީން ޓޫރިޒަމް މެނޭޖްމަންޓްގެ ދާއިރާއިން ބެޗްލާސް ޑިގްރީ ހާސިލްކުރައްވާފައިވާ ބޭފުޅެކެވެ.