މަހިބަދޫގައި 100 ކުނބުރުދޫގައި 25 ފްލެޓު އަޅަން ހަވާލުކޮށްފި

އިބްރާހިމް އިމާދު

29 މާޗް 2026 - 20:34

0 comments

އދ. މަހިބަދޫ އާއި އެ އަތޮޅު ކުނބުރުދޫގައި ފްލެޓު އެޅުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ މިއަދު ހަވާލުކޮށްފި އެވެ.

މި އެއްބަސްވުންތަކުގައި ހައުސިން މިނިސްޓްރީގެ ފަރާތުން ސޮއިކުރެއްވީ، ސްޓޭޓް މިނިސްޓަރު އިސްމާއީލް ހަމީދެވެ. އަދި އެޗްޑީސީގެ ފަރާތުން ސޮއިކުރެއްވީ، އެ ކުންފުނީގެ މެނޭޖިންގ ޑިރެކްޓަރު، ރިޓަޔާޑް ބްރިގޭޑިއާ ޖެނެރަލް އަލީ ޒުހައިރެވެ.

ކުނބުރުދޫގެ ހައުސިން ޔުނިޓްތައް އެޅުމަށް ދީފައިވަނީ، 480 ދުވަހުގެ މުއްދަތެކެވެ. މިއެއްބަސްވުމުގެ ދަށުން ކުނބުރުދޫގައި 3 ކޮޓަރީގެ 25 ހައުސިން ޔުނިޓް އެޅުމަށް ވަނީ ހަމަޖެހިފަ އެވެ.

އަދި މަހިބަދޫގެ ހައުސިން ޔުނިޓްތައް ނިންމުމަށް ދީފައިވަނީ، 540 ދުވަހެވެ. މި މަޝްރޫޢުގެ ދަށުން އެރަށުގައި 100 ހައުސިން ޔުނިޓް އެޅުމަށް ވަނީ ނިންމާފަ އެވެ.