ރައީސް، ހައްޖު ދުވަހުގެ ތަހުނިޔާ ފޮނުއްވައިފި

އައިމިނަތު ޝިޔާޒާ

15 ޖޫން 2024 - 00:18

0 comments

ޙައްޖު ދުވަހުގެ ބާއްޖަވެރިކަން ދިވެހި ރައްޔިތުންނާއި މުޅި އިސްލާމީ އުންމަތަށް މިންވަރުކުރެއްވުން އެދި ދުވަހުގެ ތަހުނިޔާ ރައީސް ޑރ.މުހައްމަދު މުއިއްޒު ފޮނުއްވައިފި އެވެ.

އެކްސް ގައި ރައީސް މިރޭ ކުރެއްވި ޕޯސްޓުގައި ހައްޖު ދުވަހަކީ އަހަރުގެ އެންމެ ބަރަކާތްތެރި އެއް ދުވަސް ކަމުގައި ފާހަގަ ކުރައްވާފައިވެ އެވެ. އަދި ﷲގެ ރުއްސެވުމާ، ފުއްސެވުމާ، މަދަދުން ފުރިގެންވާ މި ދުވަހުގެ ބާއްޖަވެރިކަން ދިވެހި ރައްޔިތުންނާއި މުޅި އިސްލާމީ އުންމަތަށް މިންވަރުކުރެއްވުމަށް އެދިވަޑައިގެން ދުއާ ކުރައްވާފައިވެ އެވެ.

މިއަހަރުގެ ޙައްޖުގެ އަޅުކަން އަދާކުރުމަށް ރާއްޖެއިން 1150 މީހުން ވަނީ މައްކާއަށް ގޮސްފައެވެ. ހައްޖު ދުވަހަކީ އަހަރުގެ އެންމެ މާތް ދުވަހެވެ. އެ ދުވަސް މާތް ވުމުގެ ސަބަބުތައް ވަރަށް ގިނަ އެވެ.