އަމާޒަކީ މި އަހަރު ވެސް ސަޕްލިމެންޓަރީ ބަޖެޓަކަށް ނުދިއުން: ޒަރީރު

ހުނައިދާ ޔާސިރު

19 އޮކްޓޫބަރ 2026 - 11:16

0 comments

އަމާޒަކީ މިއަހަރުވެސް ސަޕްލިމެންޓަރީ ބަޖެޓަކަށް ނުގޮސް ދައުލަތުގެ ބަޖެޓުގެ ތެރެއިން ހަރަދުތައް މެނޭޖްކުރުން ކަމަށް ފިނޭންސް މިނިސްޓަރު ވަޒީރު ހަސަން ޒަރީރު ވިދާޅުވެއްޖެ އެވެ.

ދައުލަތުގެ މީޑިއާ އާއި ރައީސް އޮފީސް ގުޅިގެން ބާއްވާ "އަހާ ފޯރަމް" ގައި ފިނޭންސް މިނިސްޓަރު ހަސަން ޒަރީރު ވިދާޅުވީ ލޯނު ދެއްކުމުގައި ބޮޑު ކާމިޔާބީއެއް ވަނީ ހޯދާފަ އެވެ. މިގޮތުން މިނިސްޓަރު ވަނީ މިހާތަނަށް ލޯނުތައް އަދާކޮށްފައިވާ އަހަރުތައް ވިދާޅުވެ ދެއްވާފަ އެވެ.

މިނިސްޓަރު ވިދާޅުވި ލޯނު ދެއްކި އަހަރުތައް

2018-2013 އަށް ޖުމްލަ ލޯނު 418 މިލިއަން ޑޮލަރު
2018-2023 ގެ ނިޔަލަށް 948 މިލިއަން ޑޮލަރު
މިދިޔަ ދެ އަހަރުތެރޭ 1.24 ބިލިއަނ ޑޮލަރުގެ ލޯނު

މިނިސްޓަރު ވިދާޅުވީ މި ލޯނުތައް ދެއްކުމާއެކު ދައުލަތުގެ ފިސްކަލް ނިޒާމަށް ހަރުދަނާ ބަދަލުތަކެއް ގެންނަން ސަރުކާރުން ދަނީ ފިޔަވަޅުތަކެއް އަޅަމުންނެވެ.

" ދައުލަތުގެ ޑެފިސިޓް އަހަރުން އަހަރަށް ކުޑަ ކުރުމުގެ މި މަަސައްކަތް ކުރަނީ. މިގޮތުން 7 ޕަސެންޓަށް މި އަހަރު ކުޑަކުރުން. އެހެންނަމަވެސް މިޑުލްއީސްޓް ހަނގުރާމައާއެއު ބޭނުންވި ލެވަލްގައި ހިފައްޓަން މި އަހަރު ދަތިވި. ނަމަވެސް ސިންގަލް ޑިޖިޓްގައި ހިފެހެއްޓޭނެ،" ޒަރީރު ވިދާޅުވި އެވެ.

ސަރުކާރުން ދަނީ ދައުލަތުގެ ހަރަދުތައް ކުޑަކުރުމަށް ގިނަ މަސައްކަތްތަކެއް ކުރަމުންނެވެ. މީގެ ތެރޭގައި ސަރުކާރު ކުންފުނިތަކުގެ ރީސްޓަރަކްޗަރ ކުރުމުގެ މަސައްކަތްތައް މިހާރުވެސް ކުރަމުންދާއިރު، ބައެއް ކުންފުނިތައް އުވާލުމުގެ މަސައްކަތްތައްވެސް ދަނީ ކުރަމުންނެވެ. އެގޮތުން ފެނަކަ އުވާލާ އެކުންފުނީގެ މަސައްކަތްތައް ސްޓެލްކޯއަށް، އާރުޑީސީ އުވާލާ އެކުންފުނީގެ މަސައްކަތްތައް އެމްޓީސީސީއަށް ބަދަލުކުރުމަށް ރައީސުލްޖުމްހޫރިއްޔާ ދާދިފަހުން ނިންމެވި ނިންމެވުން ހިމެނެ އެވެ.